今天是 2021年06月17日 星期四 欢迎访问东莞市兴宁商会网站!

客家人生都是歌

2021-05-30

客家人生都是歌

                 -------------张俊贤

客家妹子客家哥,样般甘爱唱山歌,

一日三餐歌送饭,睡目还爱歌贴头。

 

祖祖辈辈唱山歌,中原带来千万箩,

崇文重教传家宝,一代一代歌接歌。

 

勤劳汗水磨成歌,垦荒耕山歌当锄,

凿开山门引福水,福荫群山绿满坡。

 

出洋闯荡唱山歌,绕礁避险击浪波,

赚钱安家歌报喜,娘亲回电唱欢歌。

 

人逢喜事乐呵呵,山歌为媒娶老婆,

洋妹环球找对象,佢话最爱客家哥。

 

带佢转来见婆婆,亲亲热热共凳坐,

“妈打妈打”情真切,家娘笑到背尽驼。

 

 

洋妹转来唔生疏,家娘教佢唱山歌,

问佢客家样般样,佢话客情暖心窝。

 

高山顶上敲响锣,客家人生都系歌,

酸甜都出好歌句,好歌如流江成河。